Svimi eftir bílslys – er það eðlilegt?

Margir sem lenda í aftanákeyrslu eða öðru bílslysi finna ekki aðeins fyrir verk í hálsi heldur einnig svima. Sumir lýsa því eins og þeir séu óstöðugir á fótunum, að hausinn sé „ekki alveg með“ eða að svimi komi þegar þeir snúa höfðinu.

Þetta getur verið óþægilegt en er jafnfra

mt algengt eftir hálstognun.

Af hverju fæ ég svima?

Hálsinn gegnir mikilvægu hlutverki í jafnvægi líkamans. Í vöðvum og liðum hálsins eru skynnemar sem senda stöðugt upplýsingar til heilans um stöðu höfuðsins.

Eftir hálstognun geta þessar upplýsingar raskast tímabundið. Þá getur heilinn átt erfiðara með að samræma upplýsingar frá hálsi, augum og innra eyra og afleiðingin getur verið svimi eða óstöðugleiki.

Svimi er ekki alltaf merki um alvarleg meiðsli

Margir hafa áhyggjur þegar svimi kemur fram eftir bílslys. Í flestum tilfellum tengist hann þó breytingum á starfsemi hálsins fremur en alvarlegum skaða.

Svimi getur meðal annars komið fram þegar:

• þú snýrð höfðinu hratt

• þú lítur upp eða niður

• þú situr lengi við tölvu

• hálsverkirnir aukast

  
  

Hvað getur sjúkraþjálfari metið?

Við mat eftir hálstognun metur fagfólk ekki eingöngu hvort hálsinn sé stirður eða aumur.

Sjúkraþjálfari getur einnig metið:

• hreyfigetu hálsins

• hreyfistjórnun hálsins

• jafnvægi

• hvort svimi tengist hreyfingum hálsins

Slíkt mat getur hjálpað til við að velja réttar æfingar og meðferð og draga úr einkennum.

Hvenær ætti ég að leita aðstoðar?

Ef svimi kemur fram eftir bílslys, sérstaklega ef honum fylgja verkir í hálsi eða höfuðverkur, getur verið skynsamlegt að láta meta ástandið.

Í mörgum tilfellum batna einkennin með tímanum, en snemmtæk greining og markviss endurhæfing geta flýtt og ýtt undir bata.